Tuesday, July 4, 2023

A Queen Ant REACTS To Her First Worker Ants

hello i have my favorite YouTubeber

Wednesday, April 4, 2018

MINUNG IH LUNG MANGBANGZA PHUN (10)

(1) Tarkun tiang nungdamtu pakhat ih lung hi thisen umnak hmun million khat hrawng a cangvaiter.

(2) Nitin ten lung in a suahmi thazang hi thilri phurmi mawṭawpi (truck) pakhat kha peng (20) hrawng a fehter thei. Tarkun tiang nungdamtu ih lung in cuih mawṭawpi kha leilung ihsin thlapi tiang feh le kirsal/tlunsal theinak ding tiang tha a nei.

Monday, April 2, 2018

INTERVIEW: CHIN FALA MAWI, MAI DONG HNEM LAM


MAWṬAW LE THINGKUNG

Veikhat lai ah khawpi pakhat ah duhdaw aw zetmi fala le tlangval an um. Nikhat cu tlang parih um khuate lam ah tlawng in an feh. An tlawn caan hi furpi ruahpi tam lai fang a si ruangah lamzin pawl tla an sia. An tomi mawṭaw khal cak zet in a feh thei lo.

An tlawnnak ding khua an thlen hlan peng khat duh ah ziangkhalle kan thleng zik thlang pam an ti ih mawṭaw mawngtu hnenah ṭum ding an dil. Cutin mawṭaw mawngtu khalin, “Si ko, nan fehnak ding khua a hla tuk lem nawn lo pam. Khuacuan tla nan duh ding. Nan thu si ko. Nan ṭum thei,” a ti ih, cuih fala le tlangval cu mawṭaw ihsin an ṭum.

An ṭumnak ṭheh hnuah mawṭaw cu a feh vivo. Vansiat le malmak ah an hmai khua luhnak lamzin kapih thingkung tumtak cu a tlu ih mawṭaw kha lak tlak ding um nawn lo in a nenper reprep thluh. Mawṭaw mawngtu le neitu siseh, a sungih totu zohman nungdam in a luattu zo hman an um lo. Cuih thu cu mawṭaw neitui’ nupi in a theih tikah riahsia mitthli thawn, “Aw, minung in kan hmailam ah ziang a cang ding ti kan thei cia lo. Ziangkim parih thuneitu le theitu Pathian lairel hi theihthiam a har em. A tuardan thiam ding a ṭul tuk aw,” tin a ti.

ZIANGRUANGAH THINNAU IN KAN UM?

Minung kan si vekin leitlun kan nundam sung caan tawite ah riahsiatnak, thinnaunak le beidonnak a tong lotu zohman kan um lo ding. Hivek caan ah mah le mah thazang pekawk thiam ding hi a thupi ngaingai.

(1) MADONNA
Madonna hi leitlun ah a thei lotu kan tam tuk lem lo ding. Hlasak thiam le hmel ṭha milar zet pakhat a si. Awnmawi khawvel ah leitlunpi theih ding tiangih hlasak thiam milar a si theinak hi ol te ih a ngahmi a si lo. A nauhak lai ah an farah tuk ruangah a rilrawn tuk tikah a baal zetmi hnawm-bawm sungih hlonmi hmuk pawl sar in a rak ei ṭheu. Asinan an farahnak in a nunnak a tlaniamter thei lo. Rethei farah zet hmanseh nasatak ih a zuamnak ruangah hlawhtlinnak sunglawi tak a ngahsal thei.

* Rethei le farah zet tla kan um men thei. Asinan Madonna vekin hnawm-bawm sungih hlonmi hmuk/rawl kan ei dah maw? Kan ei dah lo a si ahcun Madonna tlukin kan dinhmun a sia hrih lo; kan farah hrih lo.

THANG SINSIN SEH

Leitlun khawvel ramkip cuan in
Thlir in hawl hman vanrangdeng tiang
Hi bang dawtnak sunglawi mankhung
Nunnak tiangmang in pe siangtu
Um vek hlah hai.

Sualnak neilo van Bawi fahniang
Sihmansehla misual hluanin
Thing Cross parah khengbet hai ee
Acui ka thin leitlun minung
Sual ruangah maw.

SAYA LE TLAWNGTA THUSUHAWKNAK (1) (PATHIAN A UM NGAINGAI MAW?)

Saya: Pathian a um ti na zum maw?
Tlawngta: Aw zum.

Saya: Pathian hi a ṭha maw?
Tlawngta: Aw, ṭha e.
Saya: Mangbangza thil ti theinak teh a nei maw?
Tlawngta: Nei e.

Saya: Khensa natnak neitu pawl in Pathian hnenah thla an cam. Asinan Pathian in a bawm/run thei lo. Cucu Pathian a ṭha kan ti thei ding maw si?
Tlawngta: (Zianghman a let lo).

Friday, March 23, 2018

ELO LE MARA: MANGBANGZA DUHDAWTNAK THAWN INNSANG DINTU (By: Lairawn Meifar)

Duhdawtnak timi hi ziang a si ti hi mithmuh theih rori dingih a langfiangtertu an um tuk lem lo. Duhdawtnak ih sullam hi a phunphun in kan sim cio. Miṭhenkhat cun duhdawtnak cu peksuahnak a si tin a sullam an simfiang. Cun miṭhenkhat in ziangvek dinhmun le thil pakhatkhat ruangah si lo in amahte ih rasuakmi a si tin an ti. A si ko. A ngaingai ti ahcun duhdawtnak cu “A sidan vek ten cohlan le lungkimpi khi a si.”
Mitampi cun nupi pasal neih tikah sunglam hnakin a lenglam hi thupi ah ret in an zoh ih nupi pasal an nei. Asinan mi hmuahhmuah cu kan si lo. Ziangah tile a fiangmi cu duhdawtnak timi cu amai’ zawn lawng a ruat lo. Himi thawn pehpar in Elo le Mara tei’ pahnih dinhmun le sinak, innsang an dindan pawl zoh tikah duhdawtnak timi hi ziangmi ciah a si ti a langfiangter nasa.

Wednesday, March 21, 2018

DR. ZA HLEI THANG (MIPHUN LE RAM DUHDAWTTU CHIN ARSI A ṬIL TA MAW) - By-Lairawn Meifar

A vei (3) nak Awnmawi Khawmpi ih na rak simmi thu thawn siang lo cing ten CBU in kan lo thlah a si.

Dr. Za Hlei Thang
Fredric, Maryland, USA
17 March 2017 (Zaan khawm)

A hmaisabik ah duhdawtmi Lairawn, nu le pa, u le nau, fala tlangval nan hnenah tampi ka lungawi. Lungawi thu ka lo sim.
Cule hitivek Awnmawi Khawmpi, a hleice in Pathian hmin in Pathian thangqhatnak thawn tuah thei dingih tawlreltu nan hotu pawl, nu le pa pawl, nan zate tlunah ka lungawi. Lungawi thu ka lo sim.

Cule tu hi, a ngaingai ti cun kan vuanci-pa hi ka hlanih thusim ding a si nan, ka dam lo ruangah i kian ih kan vuanci-pa hnen khalah lungawi thu ka sim.

MILIAN LE LAWNG HLAUTU TLANGVAL ... By- Lairawn Meifar

Veikhat cu milian zet pakhat cu tiluan khoh zetmi tivapi pakhat ah lawng thawn a feh rero laiah rinlopin a tomi lawng kha a let pang. Asinan amah cu tivapi laifang ih lungto tum zet pakhat parah a thleng man ih bomnak dil in a au ciamco.

Culaifang ah lawng mawng thiam zet tlangval pakaht in milianpai’ bom dilnak au-aw a thei ih runsuak dingin a lawng cu milianpai’ umnak lungtopi lam pan in a hlau rero. Asinan tiluan a khoh/cak tuk ruangah duh vekin cak zet in lawng a hlau thei lo. 

Milianpa cun, “Zamrang ten in run lohli aw. In runsuak thei asile paisa Ks.1000 ka lo pe ding,” tin a au lala. Asinan tiluan a cak tuk ruangah nasatak in lawng hlau khal sehla a ṭhawn aw thei fangfang.

SIMSAL THEIH LOMI PAWL (By: Lairawn Meifar)



Veikhat lai ah khuapi zet pakhat a um. Cuih khua saklam ah a danglam zetmi tlakrawh thawn dawlmi hauhruang tum zet a um. Ziangtik lai caan ah zo pawl in an dawl, an sak ti khal zohman in an thei lo. Ziangtluk in a rei zo ti khal a theitu an um lo. Cuih hauhruang dunglam ah ziangmi thil pawl an um ding ti hi zozo khalin an thei duh zet. Asinan zohman in an zingzoi ngam lo.

Hauhruang dunglam ah ziang a um ding ti a thei duh ih hauhruang tlun a kaitu pohpoh cu a kirsaltu an um nawn lo. Hauhruang parah cun nuam zet in an um, aipuang zet in an au ciamco ih khatlam ah an dawp ṭheh. Cutiih a dawptu pawl cu ziangtik hmanah khua lam ah an tlungkirsal nawn lo.

Curuangah zohman an zingzoi ngam nawn lo. Culaifang ah mi pakhat in khuasungmi pawl hnenah, “Ke hi hri thawn ṭem in hauhruang parah kai ding a si. Hauhruang par thlen tikah khatlam ah ziang a um ti kha fiang ten zohhliah ding. A zoh ṭheh tikah khatlam ih dawp nawn lo dingin hri thawn dirh ding a si,” tin ruahnak a pek.

Cutin ruahnak a pek ṭheh tikah khuasungmi pawl hnenah, “Zo si hauhruang parah kai ding?” tin a suh tikah nunau pakhat in, “Keimah ka kai ding,” a ti. Curuangah cuih nunau cu a ke ah hri an ṭem ih hauhruang parah cun an vun kaiter.
Cuih nunau cu hauhruang par a thlen tikah lungawi le aipuang zet in a au. Cuṭheh in a kut pahnih a pharh ih khatlam ah dawp dingin a tim a tuah aw. Asinan khuasungmi pawl in a ke ih ṭemnak hri kha nasatak in a dirthlak tikah khatlam ah a dawp thei lo. 
Khuasungmi pawl in cu nu hnenah, “Khatlam ah ziang si um. Ziang si na hmuhmi um?” tin an sut ciamco thlang. A danglam zetmi pakhat cu cuih nunau in kam khat hman simrel ding a thei lo. Culawng si lo in mi-aa vek ah a cang.

ZIRH DUHMI
Leitlun ahhin hmuhmi simfiang thei lotu, hmuhmi phorhsuak thei lotu, hmuhmi ziang a si ti langter thei lotu tampi kan um. Cun leitlun ahhin simfiang le phorhsuah a theih lomi thil tampi an rak um.

Ref: Sarpay Uhyin
Lairawn Meifar
(45/2018)

Monday, March 19, 2018

QUOTATION OF DELHI BURMESE CHRISTIAN FELLOWSHIP

___________________________________________

01. DBCF ih Thuken: ONENESS IN CHRIST - Rom 12:5

02. 1992 - October 11, ah Din a si.

03. Kum-10 kimnak, Kum-20 kimnak, kum-25 kimnak Jubilee a tuah zo

04. Delhi Kawlram mi pawl hrang Kawhhran Hmaisabik a si.

05. DBCF ah kum-25 sung - Pastor - 13 in in tuansak zo.

06. DBCF Pastor tuan zotu pawl- Pastor hlawhtling an si theh (Pg-59).

07. Khawmtu pawl hi Kawlram ih miphunkim kan si.

08. Mission hnatuannak India le Kawlram Pawlkom - 12 hnenah a tel.

09. Member dinhmu - 1992- 9, 2009- 977; 2017- 352

10. Member pawl 90% hi Ramthumnak ah an thleng theh zo

KA HMUHTON MI - By- Pi Sungte

Innsang pakhat ah fanu pakhat te an neiih cuih an fanu te cu kum 13 a kim ni ah a suahcam lawm dingin anu le apa in sungkhat le rualpi pawl an sawmnak ah ka tel ve. minung ih mawi bik caan hi tleirawl lai asi vek in an fanu te khal cu a mawi zet, ca le a thiam, a fim khal a fim ih a nu le pa ih lung tong zettu asi. A ra teltu hmuahhmuah khal in an zoh thanung in an lawm zet. Cuticun hlim le nuam zet in caan kan hmang liam.

Caan a her ih thla ruk hrawng a liam, minung lam ih ruahbanlo leh duh umlo zet thil a thleng tariai. An suan emem mi leh fala hmanih an ruah hrihlo mi an fanu te cu nau a pai ti a si ngelcel. A theitu hmuahhmuah an mang a bang, an khawruah a har thluh. A nu le pa cu an lung a kekkuai ding sikhawh ti ruat 


Wednesday, March 7, 2018

BETHSY THAWN TONSUHNAK (2) A peh...............



LM: Thangthatnak hlasak in ram ziat ah na feh zo? 
Bethsy: Ram (10) leng lo ka feh zo in ka thei. Ka ciing thluh nawn lo. Khui maw…ka ciin zat ka vun siar hnik ding aw. Malaysia, Singapore, USA, Australia, Bangladesh, Germany, Denmark, Switzerland, Sweden, Norway ti pawl an si.
LM: Ram (10) lenglo ah na feh zo ih, na feh zonak ram pawl ah khuimi ram si nuam na ti bik?
Bethsy: A nuam bik ram ti ih sim ding cun a har. Ka fehnak ram pohpoh hi nuam ka ti ṭheh ko. Cumi lakah nikhua, boruak umdan ah nuam ka ti bikmi ram cu Germany ram hi a si. An ram hi a felfai ih, a hahdam thlak ka ti.

LM: Cutiih ramdang na feh tikah Mizo hla hlir maw na sah?
Bethsy: Ai, Mizo hla hlir ka sak ko. Lai hla tla ka sak phahphah ko.

LM: Zangfah ten na pai’ suahnak hmun in sim thei kem?
Bethsy: Aw si, ka pa cu Lunglei khuasuak a si.

Sunday, March 4, 2018

BETHSY THAWN TONSUHNAK (1) by - Lairawn Meifar


LM:
Atu vekin LBA Khawmpi ah thangqhat hlasaknak thawn tel dingih sawmnak thupi zet ah ngai in na rat theinak parah kan lung-awi nasa.

Bethsy:
Duhsaknak thawn in sawm ih kei tla ka lungawi zet.

LM: 
Atu vekin hmunkhat ih tonawknak caan kan ngahsal ding ti hi a ol lo zet ding ruangah thusuh duhmi tete tla lo suh kan duh ih, a ngah ko maw?

Bethsy:
Aw, ngah ko e.

LM: 
Kum ziat na ti ihsin hla na rak sak thok?

Bethsy: 
Aw si, kum (3) ka ti lai ihsin hla ka rak sak thok zo. Asinan a hmasa bik Audio Album ka tuah hi kum (11) ka si. Cutin hlasahnak lam ah ka feh vivo cu si.

LM:
Hla zuamawknak tivek ah na tel dah maw?

Bethsy:
 Ai, ka tel dah lo ti tluk si. Asinan tlawng ka kainak, hostel ih ka um lai ahcun veikhat cu ka tel dah. Cumi tum ah pakhatnak ka ngah. Himi ciah lawng hi hlasak zuamawknak ah ka tel.

Wednesday, February 28, 2018

Best Funny Videos - Mind Your Language


TILI PARIH TIMAN (By-Lairawn Meifar)


Veikhat cu ramtawi paih zet mi pakhat cu amah lawng hramlak ah ramtawi in a feh. Sun niling lakah a tawi a vah rero tikah a ti a hal tuk ih tidai in ding a hawl. Rei hman a hawl man lo, vanṭhat ah a kiang naite ah tili pakhat a tong dukdi. Tili ih tidai in ding cun a vung ṭum ih tidai a zoh tikah tili/tidai parah timan le thinghneh ti vek pawl lawnglawng a hmu. Curuangah cuih ramtawipa cu a ti a hal zet nain, “Hivek tili ṭha lo, timan lawnglawng ih a khat si,” tin a ti ih a ratnak lam ahcun a kirsal cih. 

Sunday, February 25, 2018

INTERVIEW: CHIN FALA Mawi MAI DONG HNEM LAM @ Mar Lar (Myanmar Woman Police)

(Interview hi a sau nawn nan... a cemtiang siar sak hram aw- 2018 February ah Psychology a zir mi Final year result a suak zo ih - a Pass ih kan lungawipi zet. Atu cu a tumtahnak vekin Promotion hrangah timtuah thei zo a si. thlacamnak thawn kan bawm cio pei.)
Chin Mino tampi kan theihsun cu Bible Tlawngkai le Tlawng Saya/ma tuan/ Singpore, Malaysia, China etc.. feh ti pawl hi kan theih sun a si. Pathian ih in pekmi ka Talent/ ka thiam thei zawng hi ziang a si, Hmailam saupi hrang, ka nuntu khawsaknak hrangah zaing tuah a tha ti ruat cuca loin sumpai ka ngah cun tawk, Degree ngah cun tawk, Mirang tong thiam cun tawk ti men in Mino tampi kan um....
Mi tampi in cutiiih kan um rero lai ah lamdangzet in kan NAUNU hi Palik tuan rero lai a siih ziangruangah himi hnatuan a tuan paih ih ziangruangah a hril timi pawl kan Chin Mino pawl, ahleice i Chin Nunau pawl hrangah thathnemnak tampi suak thei ding ti ruahsannak/beiseinak tampi kan nei ruangah tuvek ih hmanlonak tampi sung ihsin Hmai-ton Thusuhnak kan neihnak san a si.

Q1. Zaangfahten nangmai bulpak thuhla mallai in run sim thei pei maw?

* Kan hmin cu Dong Hnem Lam a siih Kawl rualpi pawl in Mar Lar tin in ko. Pu Sa Tin Mung le Pi Khuang Tial te ih fa nauhak lam ih a pa-6-nak ka si. Unau -7 kan um. January 27/1995 ni ah Laitlang ZAWLPI khua ah ka suak. Ka Pa te ih khuahlun cu Laitlang Falam peng Saihmun a si. Kum 2000 ah ka suahnak Zawlpi khua ihsin atu ih kan umnak Taungzalar Veng, Kalaymyo ah kan um.